Maitrayaniya Upanishad 5.2

Maitryupaniṣaddīpikā (Rāmatīrtha) 5.2

Language: Sanskrit

5.2

deva bhūtaṃ bhūtasaṃjña ātmā bhavatītyarthaḥ, [‘mahadbhūtamanantamapāraṃ’ (bṛhadā0 ā0 4)] iti śruteḥ, [‘eko viṣṇurmahadbhūtaṃ’] iti smṛteśca | yato bhūteṣu praviṣṭo bhūtāvabhāsakatayā bhūtaniyantṛtayā cānugataśca carati gacchati bhūtāni vyāpnotyata udbhūtatvādbhūtamiti yojanā | ataeva bhūtavarttitayā bhūtānāmadhipatirbabhūvādhiṣṭhāya pālayitā'bhavadvyavahāradṛṣṭyetyarthaḥ | upasaṃhārārtha uttaro bhāgaḥ | ityevamuktaprakāreṇāsā asau ātmā yathāvyākhyāto'ntaḥsākṣipramātṛkarttādirūpeṇa bahiśceśvarakāladevatādirūpeṇa vibhāvyate nānya ityarthaḥ | abhyāsa ādarārthaḥ prapāṭhakasamāptyartho vā |
iti śrīrāmatīrthaviracitāyāṃ maitryupaniṣaddīpikāyāṃ pañcamaḥ prapāṭhakaḥ |
0 ||

Previous: 5.1.6
Next: 6.p1
Up: 5

Linked texts (1)

Maitrāyaṇīyopaniṣad — Sanskrit