Maitri (Maitrāyaṇīya) Upaniṣad 4.5_2
Maitrāyaṇīyopaniṣad 4.5_2
- Language
- Sanskrit
4.5_2
tamo vā idamekamāsa tatpaścātpareṇeritaṃ viṣayatvaṃ prayātyetadvai rajaso rūpaṃ tadrajaḥ khalvīritaṃ viṣamatvaṃ prayātyetadvai tamaso rūpaṃ tattamaḥ khalvīritaṃ tamasaḥ samprāsravatyetadvai sattvasya rūpaṃ tatsattvameveritaṃ tatsattvātsamprāsravatsoṃ'śo'yaṃ yaścetanamātraḥ pratipuruṣaṃ kṣetrajñaḥ saṅkalpādhyavasāyābhimānaliṅgaḥ prajāpatistasya proktā agryāstanavo brahmā rudro viṣṇurityatha yo ha khalu vāvāsya rājasoṃ'śo'sau sa yo'yaṃ brahmātha yo ha khalu vāvāsya tāmasoṃ'śo'sau sa yo'yaṃ rudro'tha yo ha khalu vāvāsya sātvikoṃ'śo'sau sa evaṃ viṣṇuḥ sa vā eṣa ekastridhābhūto'ṣṭadhaikādaśadhā dvādaśadhāparimitadhā codbhūta udbhūtatvādbhūteṣu carati pratiṣṭhā sarvabhūtānāmadhipatirbabhūvetyasāvātmāntarbahiścāntarbahis hca ||
Commentaries (3)
- Maitryupaniṣaddīpikā (Rāmatīrtha) — Rāmatīrtha 1550, Sanskrit
- Commentary of Upaniṣadbrahmayogin — Upaniṣadbrahmayogin, Sanskrit
- Maitrāyaṇīyopaniṣadvivaraṇa — Upaniṣadbrahmayogī, Sanskrit
Linked texts (6)
- Īśādiviṃśottaraśatopaniṣadaḥ — Sanskrit
- Maitrāyaṇīyāraṇyaka — Sanskrit
- Aṣṭottaraśatopaniṣadaḥ — Sanskrit
- Maitrāyaṇīyaśākhā — Sanskrit
- Upaniṣatsaṃgraha — Sanskrit
- Maitrāyaṇīyopaniṣad or Maitryupaniṣad — Sanskrit