Mandukya Upanishad 2.11

2.11

nmṛṣātvātsa eṣa devo dyotanātturīyaścaturtho vibhurvyāpī smṛtaḥ |
sthātrayātītasya turīyasyoktalakṣaṇatvaṃ vidvadanubhavasiddhamiti sūcayati-smṛta iti |
yo hi svāvasthānadeśe kāle votkṛṣṭastatsamānaḥ | cakārāttasmādutkṛṣṭo'pi bhavati | idānīmubhayatvajñānasya sādhāraṇaṃ phalamāha-nāsyābrahmavitkule bhavati | asyotkarṣobhayatvajñānavataḥ kule'nvaye śiṣyapraśiṣyādirūpe'haṃ brahmāsmītyetajjñānaśūnyo na bhavati | ya evaṃ veda, vyākhyātam | suṣuptasthānaḥ prājño makārastṛtīyā mātrā, spaṣṭam | prājñamakārayostādātmye hetumāha-miterminoti hi prājñaḥ sarvamātmani tādātmyena makāro'pyakārokārau prakṣipatyevamātmasvarūpe'nyathoṃkārasyāniṣpatteḥ | apītervā makāro hyoṃkāre vartamānaḥ spaṣṭaṃ nopalabhyate tataḥ pralayaḥ prājñaśca pralayaḥ prasiddhaḥ pralayasāmānyāt | vāśabdaḥ pūrvavat | idānīṃ mitijñāta ( na ) sya phalamāha-minoti ha vā idaṃ sarvam | idaṃ vividhapratyayagamyaṃ jagannikhilaṃ prasthamiva yāvat, minoti sarvātmabhāvena svātmani prakṣipati | apītijñānasya phalamāhaapītiśca bhavati, sarvādhikyena pralayaḥ sarvasya, cakārātsvayaṃ pralayaśūnyaśca bhavati | ya evaṃ veda, vyākhyātam |