Mandukya Upanishad 2.18

2.18

idānīmātmoṃkārayorabhedaṃ kaṇṭhata āha-so'yamātmā vyākhyātam | adhyakṣaramakṣarāṇyukārokāramakārārdhamātrākhyāni svapādasaṃmitānyadhikṛtya vartata ityadhyakṣaram | oṃkāra oṃkārasvarūpa oṃkārasyā''tmasvarūpatve sāmyam | adhimātramakārādyāścatasro mātrā viśvādipādasamasaṃkhyākā adhikṛtyādhimātram | ātmoṃkārayorabhede kāraṇamāha-pādā viśvataijasaprājñaturīyākhyā mātrā akārokāramakārārdhamātrāḥ | tādātmyaṃ dṛḍhīkartumuktaṃ viparyayeṇa nirdiśatimātrāśca pādāḥ | cakāra evakārārthaḥ | nāyaṃ viparyayanirdeśastvamahamitivadupacārārthaḥ | kintu ghaṭaḥ kalaśaḥ kalaśo ghaṭa itivannirupacaritaṃ matrāṇāṃ pādānāṃ ca tādātmyamityevakā rārthaḥ | vyākhyātamanyat | ardhamātrāyāsturīyapādarūpatvātturīyasya ca pūrvapādatrayāṃdatyantavai-