Mandukya Upanishad 2.7

2.7

śakyamityarthaḥ | prapañcopaśamaṃ prapañcasya kāryakāraṇātmakasyopaśamo'bhāvo yasmiṃstatprapañcopaśamam | [ śāntaṃ spaṣṭam ] | śivaṃ svayaṃprakāśamānandātmasvarūpatvānmaṅgalam | advaitamānandātmavyatiriktaśūnyaṃ caturthaṃ turīyaṃ pādaṃ manyante saṃkhyāśūnyamapi pūrvāpekṣayā'vagacchanti sa vastutastvaturīyarūpo'pyavidyayā catuṣpādātmā''nandātmā'smatpratyayavyavahārayogyaḥ sa turīyarūpo'pagatasamastaviśeṣo vijñeyo viśeṣeṇa sākṣātkartavyaḥ |
pramāṇakriyā svaviṣaye bhāvarūpamatiśayamādhatte cedapanayārthakriyātvāviśeṣācchidirapi cchedyasaṃyogāpanayātiriktamatiśayamādadhyāt | na ca saṃyogavināśātirikte vibhāge sampratipattirasti | prākaṭyasya ca prakāśatve jñānavannārthaniṣṭhatvamaprakāśatve tenārthena nārtho'stīti bhāvaḥ |