Kathakagrihyasutra 17.5

Commentary of Devapāla 17.5

Language: Sanskrit

17.5

iyaṃ navānnaprāptirūpā svastiḥ sukhāvināśātmikā, saṃvatsare bhavā saṃvatsarīyā, vartamānasaṃvatsarajā prāptā | sā parivatsarīyādirūpāsmākamastu | pari samantādvatsareṣu sarvavatsareṣu bhavā parivatsarīyā | iditi nipātaścārthe | āvatsaraḥ śatapūraṇa āyuṣo'vadhibhūtaḥ | anuvatsaro'nantarabhāvī dvitīyaḥ | udvatsara utkarṣayukta utsavādyupalakṣitaḥ | sā naḥ pipartu, sā svastiḥ no'smān pipartu prīṇātu pūrayatu | ahṛṇīyamānā alajjamānā, ślāghamānetyarthaḥ | enā ahnā idamaharaśīya, anena vartamānenāgrāyaṇotsavopalakṣtitenedaṃ dvitīyādikaṃ varṣaśatāntamahaḥ aśīya vyāpnuyāṃ, vartamānadivasasadṛśāḥ sarve divasāḥ sundarāḥ sanvityarthaḥ | svāhā suhutamastu |

Previous: 17.4
Next: 17.6
Up: 17

Linked texts (1)

Kāṭhakagṛhyasūtra — Laugākṣi, Sanskrit