Paraskaragrihyasutra 24.32.3

24.32.3

ṣaṭ śikṣākalpavyākaraṇaniruktajyotiṣacchaṃdāṃsi aṃgāni yasya vedasya sa ṣaḍaṃgaḥ taṃ ṣaḍaṃgaṃ (na kalpamātre) kalpamātre graṃthamātre maṃtre vā brāhmaṇe vā adhīte na snānamicchaṃti kalpamātrādhyayanasya anuṣṭhānāyogyatvāt | yataḥ ‘athāto'dhikāraḥ athāto dharmajijñāsā athāto brahmajijñāsā' ityādibhiradhikārasūtraiḥ adhītasakalavedasyāgnihotrādikarmasvadhikāra ityācāryairvarṇyate (kāmaṃ tu yājñikasya ) tuśabdaḥ pakṣavyāvṛttau kāmamicchayā yājñikasya ādhvaryavādiyajñavidyākarmakuśalasya snānamicchaṃti | ayamarthaḥ | maṃtrabrāhmaṇātmakaṃ vedamadhītya avabudhya ca snāyādityekaḥ pakṣaḥ | sāṃgaṃ vedamadhītyāvabudhya ca snāyādityaparaḥ | graṃthamātramapyadhītya yajñavidyāṃ cā'bhyasya snāyāditi tṛtīyaḥ | yajñavidyāviraheṇa graṃthamātre adhīte na snāyāditi niṣedhaḥ| yato vedādhyayanaṃ vedavihitāgnihotrādikarmānuṣṭhānaprayojanam |