Vaikhanasasmartasutra 1.6.3

1.6.3

garbhādhānakāle 'tīte kriyāhīne viparyāse ca pūrvavadāghārānte suvarṇena garbhavatkṛtvā tasyāḥ kukṣau saṃnyasya darbheṇa bandhayetpariṣicya vaiṣṇavaṃ brāhmaṃ raudramaindramāgneyaṃ bārhaspatyamaṅgahomaṃ ca hutvā pūrvavadgarbhādhānaṃ kuryāt viṣṇusūktenodaramabhimṛśati suvarṇagarbhamādāya brāhmaṇebhyo dattvā tānbhojayati puṃsavanasīmantayośca garbhādhānavatprāyaścittaṃ hutvā tau karotyantaḥpuṃvadrūpayutaṃ suvarṇagarbhaṃ puruṣasūktenodaramabhimṛśatīti viśeṣo viṣṇubalau hīne vaiṣṇavaṃ viṣṇusūktaṃ caturāvartya hutvā viṣṇubaliḥ kartavyo laukikāgnau garbhasaṃskārāñjuhoti pituraupāsanāgnāvityeke bharturmaraṇe tatpitā bhrātā sapiṇḍo yonibandhurvā kuryāt garbhiṇyāḥ prathame garbhe kṛtā garbhasaṃskārāstasyā sarvagarbhāṇāṃ saṃskārā bhavantītyeke \3\