Atharvanaparishishta 3.2-2

Ātharvaṇapariśiṣṭa 3.2-2

Language: Sanskrit

3.2-2

2. 1. hastyaśvaṃ gurave dadyānnarayānaṃ tathaiva ca
divyamābharaṇaṃ caiva ātapatrādimeva ca
2. ucchiṣṭārthaṃ na gṛhṇīyānmaṅgalārthaṃ mahīpatiḥ
mantrauṣadhyo na sidhyanti rājā tatra vinaśyati
3.2.3. nātidīrghaṃ nātihrasvaṃ nātisthūlaṃ kṛśaṃ tathā
na ca hīnātiriktāṅgaṃ kacitkuryātpurohitam
4. hīnādhikāṅgaṃ patitaṃ vivarṇam
stenāṃ jaḍaṃ klībamaśaktiyuktam
bhinnasvaraṃ kāṇaṃ virūpanetraṃ
dveṣyaṃ ca rājā guruṃ naiva kuryāt
5. hīnādhikāṅge purarāṣṭrahāniḥ
kāṇe jaḍe vāhanakośanāśaḥ
stene tvaśakto ca samastadoṣāḥ
klībe vivarṇe nṛpatirvinaśyet

Previous: 3.1
Next: 3.3
Up: 3

Linked texts (2)

Rāṣṭrasaṃvarga — Sanskrit
Atharvavedapariśiṣṭa — Sanskrit