Atharvanaparishishta 3.3

3.3

3. 1. bhinnasvare jāyate gātrabhedo
dveṣye gurau vipratipattimāhuḥ
vivarṇanetre patite tu putrānadhvaryuṇā ca nihanti pautrān
2. kṛṣṇe keśakṣayaṃ vidyādrakte vāhanasaṃkṣayaḥ
piṅgalaḥ pārthivaṃ hanyādrāṣṭraṃ hanyāttu kekaraḥ
3. bahvṛcaṃ hi niyuñjyādyaḥ paurohitye tu pārthivaḥ
sa tārapaṅke hastīva saha tenaiva majjati
4. adhvaryuṃ hi niyuñjyādyaḥ paurohitye tu pārthivaḥ
uttitīrṣurivāsmānamādatte svavadhāya saḥ
5. vadhabandhaparikleśaṃ kośavāhanasaṃkṣayaḥ
karotyetānvaye'vasthāstapoyukto'pi sāmagaḥ
6. anvayākṛtisaṃpannaṃ tasmādbṛgvaṅgirovidam
gotrāṅgirasavāsiṣṭhaṃ rājā kuryātpurohitam
3. 3. 7. makheṣu rāṣṭreṣu pureṣu caiva
senāsu rājñāṃ svaniveśaneṣu
ya utpātāśtrividhā ghorarūpās
tānsarvāñchamayedbrahmavedavit
8. tasmādguruṃ vedarahasyayuktaṃ
caturviṃdhe karmaṇi cāpramattam
śāntaṃ ca dāntaṃ ca jitendriyaṃ ca
kuryādvarendraḥ priyadarśanaṃ ca
priyadarśanaṃ ceti