Nighantu 73.28

73.28

(1) navam| yadvā, 'ṇu stutau (adā0 pa0)'| 'ṝdorap (3, 3, 57)'| nūyate stūyate, acirakṛtatvena ramaṇīyatvāditi| "navena pūrvaṃ dadhamānāsya"—iti nigamaḥ || (2) nūtanam| nautereva| 'rājāsāñjā (u0 3, 13)'— ityādinā napratyayo dīrghaśca nipātyate| "nūtnā5indra .te ghayamūtī (ṛ0 saṃ0 6, 2, 2, 2)"—iti nigamaḥ || (3) nūtanam| navasya nū—ādeśaḥ 'vaptanaptanathakhāśca pratyayā ghaktavyāḥ (5, 4, 25 vā0 1)'—iti tanapratyayaḥ| "īḍyo nūtanairuta (ṛ0 saṃ0 1, 1, 1, 2)"—iti nigamaḥ || (4) navyam| navameva navyam| 'śākhādibhyo yat (5, 3, 103)'—iti svārthe yat| yadvā, nauteḥ 'aco yat (3, 1, 67)'—'vāntoyi pratyaye (ī, 1, 76)'| "indrāgnī stoma janayāmi navyam (ṛ0 saṃ0 1, 7, 28, 2)" —iti nigamaḥ || (5) idā| 'tayordāhilau ca chandasi (5, 3, 20)'—iti idaṃśabdāt saptamyantāt dāpratyayaḥ| "idā hi va upastutim (ṛ0 saṃ0 6, 2, 33, 1)"—iti nigamaḥ || (6) idānīm| 'dānīñca (5, 3, 18)'—iti tasmādeva dānīṃpratyayaḥ| "idānīmaha'upavācyo nṛbhiḥ (ṛ0 saṃ0 3, 8, 5, 1)"—iti nigamaḥ || iti ṣaḍeva navanāmāni |