Nighantu 73.27

73.27

(1) prathamam| 'naśca purāṇe prāt (5, 4, 25 vā0 2)'— iti napratyayaḥ| "tam prathamā pūrvathā viśvavemathā (ṛ0 saṃ0 4, 2, 23, 1)"—iti nigamaḥ || (2) pradivaḥ| "yadīmanu pradivaḥ (ṛ0 saṃ0 2, 2, 8, 3)" —ityatra puṃliṅgadvivacanāntena, "kṣatraṃ rājānā pradivaḥ (ṛ0 saṃ0 3, 2, 23, 5)"—ityatra, ṣaṣṭhyekavacanāntena, "indrāya somāḥ pradivaḥ (ṛ0 saṃ0 3, 2, 16, 2)"—ityatra prathamābahuvacanāntena ca pradiva ityeva sāmānādhikaraṇyadarśanāt sakārāntametadvyaya-mityāhuḥ| indrārthatvenānādikālapravṛttā ityabhāṣayat| tena pragatāni dinānyasya pṛṣodarāditvānnakārasya dhakāraḥ ityādi vyutpattiḥ| nigameṣu vacanavyatyayaścāśrayaṇīyaḥ || (3) pravayāḥ| pragataṃ vayo yasya| vayaḥ kālamātramatra| nigamo'nveṣaṇīyaḥ || (4) sanemi| avyayam| "sanemyasmadyuyavannamīvāḥ (ṛ0 saṃ0 5, 4, 5, 7)"—"sanemi sakhyaṃ svapasyamānaḥ (ṛ0 saṃ0 1, 5, 2, 4)"—"sanemyaśva maruto junanti (ṛ0 saṃ0 2, 4, 8, 3)"—iti nigamaḥ || (5) pūrthyam| 'pūrva pūraṇe (bh0 pa0)'| pacādyac (3, 1, 134)| yaḥpravṛttiṃ pūrayatīti, pūrvasmin kāle bhavaṃ pūrthyam
'bhave chandasi (4, 4, 110)'—iti yat| yadvā, 'pūrvaiḥ kṛtaminayau va (4, 4, 133)'—iti yaḥ| "pūrvyahotarasya naḥ (ṛ0 saṃ0 1, 2, 20, 5)"—"yaḥ stomebhirvāvṛdhe pūrvyebhiḥ (ṛ0 saṃ0 3, 2, 11, 3)"—iti nigamau || (6) anhāya| avyayam| nigamo'nveṣaṇīyaḥ || iti ṣaṭ purāṇanāmāni |