Yāska's Nirukta 129.3

129.3

“duritam (47)”—ityanavagatam | “durgatigamanam”—iti arthapratipattiḥ || “vai̱śva̱de̱vī sū̱nṛtā̍māra̱bhadhva̍ṃ śu̱ddhā bhava̍nto ya̱jñiyā̍saḥ pāva̱kāḥ | a̱ti̱krāmā̍nto du̱ritāni̱ viśvā̍ śa̱taṃ himā̍ḥ sarva̍vīrā madema” || 'vaiśvadevī' vācaṃ ‘sūnṛtāṃ’ satyām ‘ārabhadhvam’ upakramadhvam vaktum | tayaivaṃlakṣaṇayā vācā ‘śuddhāḥ’ iha anabhiśastāḥ pūtāśca paraloke bhavata | ‘yajñiyāsaḥ’ yajñiyāḥ yajñasampādinaḥ | kiñca, “atikrāmantaḥ” atikrāmamāṇā vayam | tasyā vāco māhātmyena | “duritāni” durgatiprāpakāṇi karmāṇi, “viśvā” viśvāni | ‘śataṃ himāḥ’ śataṃ hemantānāṃ ‘sarvavīrāḥ’anavakhaṇḍitaputrapautrāḥ‘madema’hṛṣyemetyarthaḥ|| evamatrātikramaṇasambandhāt “duritam=duṣkṛtam”—ityupapadyate,tasya hi atikramaṇamabhīṣṭamiti|
6|
12|