Yāska's Nirukta 2.p14

2.p14

dabhrāṇi-alpāni, uttaratra romaśravaṇād romāṇi, manyathāḥ-maṃsthā ityarthaḥ | sarvāhmasmi bhavāmi varte | romaśā-upasthakakṣādiṣu sthāneṣu romavatī jātetyarthaḥ | ataḥ sambhogayogyāṃ satīṃ kiṃ māmupekṣasa ityarthaḥ | asyopamā-gandhārīṇāmivāvikā-gandhāra iti uttarāpathe kvacid deśābhidhānam | ato gandhārīṇāṃ sambandhinīti tatra jātā avikā, uraṇikā| sā hyatiśayasūkṣmadīrghaghanamṛdurāmā, setra | athavā puṃsaḥsakāśāt striyābhigamyamānatvād gamiti garma ucyate, gaṃ dhārayatīti garbhiṇī strī | avikā-ityaveteḥ prītyarthasya, prītikaratvādupastha ucyate | yathā garbhiṇīnāmupastho romaśastadvadityarthaḥ | sa hi tāsāṃ samācāraḥ, yad garbhiṇyaḥ striyo romāṇi notkhidantīti | tattvetaneyārtham |