Yāska's Nirukta 3.p18

3.p18

tritasyārṣam | mūrā mūḍhāḥ | he amūra amūḍha na vayam | kim ? na vayamiti sākāṅkṣatvād atra vitse iti ardharcāntastho vidiranupaktavyaḥ, na vayaṃ vidmaḥ | cikitvaḥ he cetanavan | kiṃ na vidmaḥ ? mahitvaṃ māhātmyaṃ tava he agne | tvamaṅgeti nipāta evārthe, tvameva vitse | kiñca śayaṃ iti sthānārthaḥ, āmāśayo jalāśaya iti yathā sthāne sāmarthyāt | vaniḥ rūpanāmedaṃ sāmarthyāccātra antarṇītamatvartho draṣṭavyaḥ, āhavanīyākhyena rūpeṇa rūpavān bhavān | carati jihvayā jvālākhyayā adan havīṃṣi bhakṣayan | kiñca rerihyate 'liha āsvādane' atyarthe leḍhi āsvādayati dīrghaprasṛtayā jvālayā yuvatimātmanā miśrayatīmāhutīmityarthaḥ | viṭpatirviśāṃ manuṣyāṇāmadhipatiḥ san |