Yāska's Nirukta 3.p2
Niruktavivaraṇa 3.p2
- Language
- Sanskrit
3.p2
vastra vasterācchādanārthasya | ācchādyate hi tat | tāyuḥ stenaḥ | saṃstyānaṃ saṃhataṃ piṇḍībhūtamasmin pāpakarmeti nairuktāḥ | tasyatervā syādapakṣayārthasya | upakṣīṇe hyastāviha loke āyuṣā yadā rājño mārayiṣyamāṇatvāt | paraloke'pi dharmeṇa adharmakāritvāt | bhara iti nirvivakṣayopanyāsaḥ | bharatervā | hriyante hi tadarthe yodhānāmāyūṃṣi dhanāni ca | nīcairniścitamadhaścitam | uccaiścitamūrddhacitam | prāsaṅgikaṃ cedamṛdyaiḥśabdasya nirvacanam | śyenaḥ śaṃsanīyaṃ gacchati | uccairdūraṃ ca gamanāt | praśaṃsāyāṃ ca |