Yāska's Nirukta 12.30

12.30

``pāvīravī tanyatur ekapādajo divo dhartā sindhur āpaḥ samudriyah/
viśve devāsaḥ śṛṇavan vacāṃsi me sarasvatī saha dhībhiḥ purandhyā/''.
paviḥ śalyo bhavati,.yad vipunāti kāyam/
tadvat pavīram āyudham/
tadvān indraḥ pavīravān/
``atitasthau pavīravān''.ity api nigamo bhavati/
tad devatā vāc pāvīravī/
pāvīravī ca divyā vāc,.tanyatus tanitrī vācas anyasyāh/
ajaś ca ekapād,.divo dhārayitā ca sindhuś ca āpaś ca samudriyāś ca sarve ca devāḥ sarasvatī ca saha purandhi ā stuti ā prayuktāni dhībhiḥ karmabhir yuktāni śṛṇvantu vacanāni imāni iti/
pṛthivī vyākhyātā/
tasya eṣa nipāto bhavaty aindrāgnyām ṛci/