Yāska's Nirukta 14.30

14.30

``dvā suparṇā sayujā sakhāyā samānam vṛkṣam pariṣasvajāte/
tayor anyaḥ pippalam svādv atty anaśnann anyo abhi cākaśīti/(ṛV.1,164,20)''
dvau dvau pratiṣṭhitau sukṛtau dharmakartārau/
duṣkṛtam pāpam parisārakam ity ācakṣate/
suparṇā sayujā sakhāya ity ātmānam durātmānam parama ātmānam pratyuttiṣṭhati/
śarīra eva taj jāyate/
vṛkṣam rakṣa śarīram vṛkṣam pakṣau pratiṣṭhāpayati/
tayor anyad bhuktvā annam anaśnann anyām sarūpatām salokatām aśnute ya evam vidvāan/
anaśnann anyo abhicākaśīti/
ity ātmagatim ācaṣṭe/