Kurmapurana 2.p13

2.p13

yasyātmaratireva syānnityatṛpto mahāmuniḥ | samyagdarśanasampannaḥ sa yogī bhikṣurucyate || jñānasanyāsinaḥ kecidvedasanyāsino'pare | karmasanyāsinaḥ kecittrividhāḥ pārameṣṭhikāḥ || yogī ca trividho jñeyo bhautikaḥ sāṃkhya eva ca | tṛtīyo hyāśramī prokto yogamuttamamāśritaḥ || prathamā bhāvanā pūrve sāṃkhye tvakṣarabhāvanā | tṛtīye cāntimā proktā bhāvanā pārameśvarī || tasmādetadvijānīdhvam† āśramāṇāṃ catuṣṭayam | sarveṣu vedaśāstreṣu pañcamo nopapadyate || evaṃ varṇāśramān sṛṣṭvā devadevo nirañjanaḥ | dakṣādīngrāha viśvātmā sṛjadhvaṃ‡ vividhāḥ prajāḥ || brahmaṇo vacanātputrā dakṣādyā munisattamāḥ | asṛjanta prajāḥ sarve devamānuṣapūrvvakāḥ || ityevaṃ bhagavān brahmā sṛṣṭyarthe§ saṃvyavasthitaḥ | ahaṃ vai pālayāmīdaṃ saṃhariṣyati śūlabhṛt