Kurmapurana 2.p7
Kūrmapurāṇa 2.p7
- Language
- Sanskrit
2.p7
sācānprajāpatermūrtirnissṛṣṭā brahmaṇo dvijāḥ | bhṛgvādayastadṛdṛṣṭvā dharmānathocire || yajanaṃ yājanaṃ dānaṃ brāhmaṇasya pratigrahaḥ | adhyāpanaṃ cādhyayanaṃ ṣaṭ karmāṇi dvijottamāḥ || dānamadhyayanaṃ yajño dharmaḥ catriyavaiśyayoḥ | daṇḍāyudhaṃ kṣatriyasya kṛṣivaiśyasya śasyate || śuśrūṣaiva† dvijātīnāṃ śūdrāṇāṃ dharmasādhanam | kārukarma tathājīvaḥ pākayajñādi dharmataḥ‡ || tataḥ sthiteṣu varṇeṣu sthāpayāmāsa cāśramān | gṛhasthaśca vanasthaśca bhikṣukaṃ brahmacāriṇam || agnayo'tithiśuśrūṣā yajño dānaṃ surārcanam | gṛhasthasya samāsena dharmo'yaṃ munipuṃgavāḥ || homomūlaphalāmitvaṃ svādhyāyastapa eva ca | saṃvibhāgo yathānyāyaṃ dharmo'yaṃ vanavāsinām || bhaikṣāśanañca maunitvaṃ tapo dhyānaṃ viśeṣataḥ | samyagjñānañca vairāgyaṃ dharmo'yaṃ bhikṣuke mataḥ
Linked texts (3)
- Devībhāgavatapurāṇa — Sanskrit
- Kriyāsāra — Śrīkaṇtha, Sanskrit
- Kūrmapurāṇa — Vyāsa, Sanskrit