Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s67.3

v3.c24.s67.3

कूर्परं सार्धपञ्चांशं विस्तारं परिकीर्तितम् ।
प्रकोष्ठमूलविशालं तु पञ्चाङ्गुलमिति स्मृतम् ॥ २६ ॥
मध्यं सार्धयुगाङ्गुल्यं तारं चाग्रे युगाङ्गुलम् ।
मणिबन्धविशालं स्याद् बह्वङ्गुलमिति स्मृतम् ॥ २७ ॥
तलतारं शराङ्गुल्यं कन्याङ्गुलाङ्गुष्ठविस्तृतम् ।
षड्यवं तर्जनीतारं तत्तुल्यमनामिकाविस्तृतम् ॥ २८ ॥
सार्धपञ्चयवं तारं कनिष्ठाङ्गुलिमूलके ।
मध्याङ्गुलविस्तारं च मूल(ले) सप्तयवं भवेत् ॥ २९ ॥
केशान्तं नेत्रसूत्रान्तं द्वयोर्मध्ये ध्रुवः स्थितिः ।
एकांशं नेत्रविस्तारं नेत्रायामं गुहाङ्गुलम् ॥ ३० ॥
पुटबाह्यासाने स्याद् द्व्यङ्गुलं नासिविस्तृतम् ।
मध्यतारं शिवाङ्गुल्यं तदर्धं मूलविस्तृतम् ॥ ३१ ॥
पादोनद्विमात्रं स्यात्कक्षयो(दृक्ष्यो)रन्तरं भवेत् ।
भ्रूमूलं च द्वयोर्मध्ये चैकाङ्गुलमुदीरितम् ॥ ३२ ॥
भ्रूवायामं नवाङ्गुल्यं भ्रूवोतारं द्विमात्रकम् ।
अच्छा(क्ष्या)यामं त्रिधा चैकं तन्मध्ये कृष्णमण्डलम् ॥ ३३ ॥
चापाकारं ध्रुवाकारं मत्स्याकारमक्षकं तथा ।
पुटतारोद्वयं चार्धमात्रं युक्त्या प्रयोजयेत् ॥ ३४ ॥
तिलपुष्पाकृतिर्ना(ना)सि पुटं निष्पावबीजवत् ।
कुर्यादास्यायतं वेदमात्रं सृकान्तमेव च ॥ ३५ ॥
उत्तरोष्ठविशाले तु यवपञ्चकमेव च ।
अधरोष्ठं षड्यवं स्यादायामं च द्विमात्रकम् ॥ ३६ ॥
कुक्कुटाण्डसमाकारं मुखं युक्त्या प्रकारयेत् ।
भ्रूमध्यसमं कर्ण(र्णं) श्रोत्रतुङ्गं युगाङ्गुलम् ॥ ३७ ॥
तत्समं नाललम्बं स्याद् घनमार्धाङ्गुलं भवेत् ।
अश्वत्थपत्रवत्कुर्याद् योनितारं युगाङ्गुलम् ॥ ३८ ॥
दीर्घं(दैर्घ्यं) समाङ्गुलं प्रोक्तमूर्ध्वतारायतं तत्समम् ।
शेषं तु चोत्तमपञ्चितालवत्कारयेत् सुधीः ॥ ३९ ॥