Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s7.4

v3.c24.s7.4

दक्षिणाद्युत्तरान्तं स्यात्पूर्वादिपश्चिमान्तकम् ।
एते ( एतत् ) विंशतिसूत्रं स्यात्कर्णासूत्रं चतुष्टयम् ॥ ४१ ॥
एतद्बहिस्तथैशाश्चतुष्कर्णे प्रदिक्षिणे ।
अपवत्सापवत्स्यश्च (योः) प्रत्यग(त्येका)र्धार्धभोग्यकः ॥ ४२ ॥
सवित्रं चैवं सावित्रं देवार्धार्धपदे स्थितम् ।
इन्द्रं चैवेन्द्रराजं च प्रत्येकार्धपदे पराः (रे) ॥ ४३ ॥
रुद्रो रुद्रजयं चै (यश्चै) व चार्थार्धपदभोगिनः(नौ) ।
एवं चाष्टामराः प्रोक्तास्तद्बहिश्‍च समारभेत् ॥ ४४ ॥
ईशानश्‍चैव पर्जन्यः अ(न्यश्चा)ग्निः पूषाग्निकोष्ठके ।
मृगश्च (पिता) दौवारिकश्‍चैव कोणे नैर्ऋत्यदेशके ॥ ४५ ॥
रोगं (वायु) नाश( नागो ) द्वयो वायुकोणे चार्धार्धपदेश्वरे(रः) ।
बहिश्चतुष्पटक( ष्कस )तत्पार्श्वे चतुष्कोणे समारभेत् ॥ ४६ ॥
जयन्तस्तत्परे सौम्ये [व्य]न्तरिक्षे( क्ष ए )कपूर्वकं ।
वितथश्चैकपदे पूर्वं दक्षिणे [ए]कपदे मृगः ॥ ४७ ॥
सुग्रीवो दक्षिणे चैव गोधै( धै )कपदे ( दे ) पश्चिमे ।
प्रत्यक् चैव पदं मुख्यम्(ख्य उ )दितश्चोत्तरेऽपि च ॥ ४८ ॥
पूर्वाह्निकं मध्यस्थसूत्रस्य सौम्यदिक्द्विपदे ।
तच्चोत्सरे महेन्द्रस्य द्विपदं दक्षिणे तथा ॥ ४६ ॥
सत्यस्य द्विपदं तस्य दक्षिणे द्वयं भृशम्( स्य ) ।
दक्षिणे मध्यसूत्रस्य पूर्वं च द्विपदं यमः ॥ ५० ॥
तत्पूर्वे द्विपदे स्थित्वा (स्थाप्यं) राक्षसं चैव पश्चिमे ।
गन्धर्वे (र्व) द्विपदे स्थाप्यं भृश( पस्य ) [तद्] द्विपदं भवेत् ॥ ५१ ॥
पश्चिमे मध्यसूत्रस्य दक्षिणे वरुणं( णः ) स्थितः ।
द्विपदं (दे) पुष्पदन्तस्य द्विपदं चोत्तरे तथा ॥ ५२ ॥
द्विपदे द्विपदे चैव चेश्वरः शोषरोगयोः ।
तत्तत्पदं ज्ञात्वा चतुर्दिक्षु क्रमाद्बुधः ॥ ५३ ॥
चरकीशानबहिः स्थाप्या विदारी पावके विधिः ।
बहिर्नैर्ऋत्यस्यै( स्य ) बाह्ये पूतना च बहिस्तथा ॥ ५४ ॥