Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s7.5

v3.c24.s7.5

वायुकोणाग्रप्रदेशे तु वाह्ये वा (त्त) पापराक्षसी ।
एवं तु चण्डितं प्रोक्तं परमशायिकमुच्यते ॥ ५५ ॥
एकाशीतिपदं कृत्वा मध्ये नवपदं विधिम् ।
पूर्वं रसपदं चैव तदेवार्यमनः (मर्यम्णः) स्मृतम् ॥ ५६ ॥
दक्षिणे रसपदं चैव विवस्वान् (स्वतः) एव कथ्यते ।
पश्चिमे षट्पदं चैव मित्रस्य मि(त्ये)ति [द्धि] संस्मृतम् ॥ ५७॥
सौम्ये रसपदं चैव भूधरस्य चतुष्टयम् ।
चतुर्दिक्ष्वन्तराले च ई (ली) विशादीनि (दि च) चतुष्टयम् ॥ ५८ ॥
तत्तच्चतुष्पदे सर्वे कर्णो चाश्रयमीरितम् ।
भूधरस्य ततः पूर्वे द्विपदा(दे) चापवत्सथा ॥ ५९॥
भार्य[क]स्य पदे सौम्ये भ(म्येऽ)पवत्स्या(त्स्यस्य) द्वयोस्तथा ।
पूर्वे रसपदाद्वाह्ये द्विपदे च सवित्रकः ॥ ६० ॥
विवस्वती (तो) द्विपूर्वादिद्व्यंशं (द्वयंशं) साविन्द्र(त्र)मेव च ।
दक्षे रसपदात्प्रत्यक् द्विपदे च तथै(चे)न्द्रकः ॥ ६१ ॥
मित्रकस्य पदे याम्ये द्विपदे इन्द्रजयस्तथा ।
पश्चिमे रसपदात्सौम्ये द्विपदे रुद्रदेवता ॥ ६२ ॥
सौम्ये रसपदात्प्रत्यक् द्वयंशे रुद्रजयस्तथा ।
एवमन्तर्गते देवांस्तद्वाह्ये देशे राक्षसान् ॥ ६३ ॥
इन्द्रे चैव पदे भानुश्चाग्निश्चैव पदा(देऽ)धिके ।
यमे चैव पदे चक्रि(क्री) नैर्ऋत्ये [ए] कपदेपितत् (ता) ॥ ६४॥
जलेशै(श ए)कपदे प्रत्यक् पवनेकपदे मरुत् ।
सौम्ये चैकपदे चै(च) न्द्रश्चेशस्यैकप [दं] दै (दे) शके ॥ ६५॥
पर्जन्ये(न्यस्यै) कपदं चैव चेशकस्य तु दक्षिणे ।
जयन्तस्य पदं चैकं पर्जन्यस्य तु दक्षिणे ॥ ६६ ॥
महेन्द्रस्य पदं चैकं जयन्तस्य तु दक्षिणे ।
सत्यकस्य पदं चैकमादित्यस्य तु दक्षिणे ॥ ६७ ॥
भृशस्यैकपदं प्रोक्तं सत्यकस्य तु दक्षिणे ।
अन्तरिक्षस्यैकपदं वह्निकोणास्य चोत्तरे ॥ ६८ ॥