Manasara Series (I. A Dictionary of Hindu Architecture; II. Indian Architecture according to Manasara-Shilpashastra; III. Manasara on Architecture and Sculpture: Sanskrit Text; IV. Architecture of Manasara: Translation; V. Architecture of Manasara: Illustrations; VI. Hindu Architecture in India and Abroad; VII. An Encyclopaedia of Hindu Architecture) v3.c24.s9.9

v3.c24.s9.9

सप्तकं(काः) वा तथा रथ्या वा [यथा] विशालं तथा न्यसेत् ।
दक्षिणे प्रथमारथ्ये(मरथ्यायां) वैश्यकानां तु वेश्मनि ॥ १११ ॥
वारुणे चक्रवर्ती स्याद्देवमालयस्य विधिः ।
अथ मित्रपदे चैव जयन्ते रुद्रजये तथा ॥ ११२ ॥
एवं राजगृहं प्रोक्तं तत्रैव(व) योधकालयम् ।
नैर्ऋत्ये च पदे देशे श्रीकरायां तु हर्म्यकम् ॥ ११३ ॥
सामन्तप्रमुखादीनामसुरे सोष्ट(शोप)केऽपि च ।
तत्रैवामात्यहर्म्यं स्यात्स्वामिकालयमेव च ॥ ११४ ॥
पुरोहितालयं सुग्रीवे पुष्पदन्तपदेऽपि च ।
दौवारिकश्च सुग्रीवे रक्षका[रा]लयं भवेत् ॥ ११५ ॥
गन्धर्वे रोगशोषे वा वाद्यकाद्यादेशलयम् ।
तत्रैव गणिकादीनां नृत्ययोग्यादिरा(दिका)लयम् ॥ ११६ ॥
वायव्ये वा नरे(नागे) वाऽपि नृपतीनां तथालयम् ।
नागे चाथवा मुख्ये वा नेत्ररत्नकरालयम् ॥ ११७ ॥
उत्तरे शल्यशालाश्च [तत्र] कञ्चकासका(कञ्चककारा)लयम्(यं वा) ।
अदितिश्नोदितश्चैव वैद्यकादितथा(दीनामा)लयम् ॥ ११८ ॥
ईशे वाऽथ जयन्ते वा चामरंचि[त]कालयम्[च] ।
महेन्द्रे वाऽथ सत्ये वा कीर्णिकाराजयं भवेत् ॥ ११९ ॥
भृशे वा चान्तरिक्षे वा आ(चा)ह्वयक्रम(कर्म)हर्म्यकम् ।
एवं प्रथमावरणे द्वितीयावरणमुच्यते ॥ १२० ॥
तैलोपजीविनां वाससंस्थितो(त ड)त्तरवीथिके ।
तत्रैव नानाहर्म्यं स्यात्कुब्जालालयमेव च ॥ १२१ ॥
मत्स्योपजीविनां वास(सं) मांसव्यापारिकादीनां च ।
पश्चिमे वाऽऽलयंश्रेष्ठिः किरातानां तु दक्षिणे ॥ १२२ ॥
आग्नेये वायवे वाऽपि रजकस्याह्वयं भवेत् ।
दक्षिणे पूर्वदेशे वा नृत्तकाराळयं भवेत् ॥ १२३॥
उत्तरे वा नैऋते वाऽपि सूति(चि)कारालयं भवेत् ।
एवं द्वितीयावरणे तृतीयावरणे(णमु)च्यते ॥ १२४ ॥