Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.13

v1.c64.13

नलदैर्वीरर्णैर्वासैर्नारिकेलैरथापि वा ।
मालत्या कुन्दलतया मुस्तादाडिमर्मजुलैः ॥
द्राक्षालतासमायुक्ता भूमिरैषा शुभप्रदा ॥
धेनुभिर्हरिणैर्वापि तुरंगैर्वा विशेषतः ।
पारावतैः कोकिलैर्वा शुकैः कीरैस्तथापि वा ॥
कारण्डैश्चक्रवाकैश्च मयूरै राजहंसकैकैः ।
गजैर्वा वृषभैर्वापि मेषसङ्घैर्विशेषतः ॥
भूमिरध्युषिता शस्ता सर्ववास्तुषु कीर्तिता ॥
लघुसैकतसंयुक्ता सुखस्पर्शयुतापि वा ।
निबिडा स्वादुतोयाढ्या समीपजलवर्षिणी ॥
मधुगन्धा पुष्पगन्धा सर्पिर्गन्धा च भूरपि ।
स्थिरवर्णा च भूश्शस्ता सर्ववास्तुषु कीर्तिता ॥
सा भूमिरुत्तमा ज्ञेया त्रिरात्राङ्कुरवर्धिनी ।
सा मध्यमा च विज्ञेया पञ्चरात्राङ्कुरप्रदा ॥
मन्दाङ्कुरप्रदा भूमिरधमा चेति गद्यते ।
सा वर्ज्या सर्वकार्येषु बीजानां क्षयकारिणी ॥
वर्ज्या कण्टकवृक्षैश्च तिग्मवृक्षैर्विदारकैः ।
वल्मीकेन समायुक्ता भूमिरस्थिगशैस्तु वा ॥
रन्ध्रान्विता च भूर्वर्ज्या गर्तार्यैश्च समन्विता ।
वराहै रासभैर्व्याघ्रै स्सिह्माद्यैर्दुष्टजन्तुभिः ॥
भल्लूकैर्वनमार्जारैर्मूपकैवृश्चिकादिभिः ।
भूमिरध्युषिता वर्ज्या सर्ववास्तुषु हानिदा ॥
श्मशानभूसमीपस्था तुपमारैस्समन्विता ।
कम्पेन भेदिता भूमिरग्निदग्धा च सर्वतः ॥
भूमिरेवंविधा वर्ज्या कार्यज्ञैश्च शुभेप्सुभिः ।