Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.18

v1.c64.18

नश्यन्ति पुरुषास्तत्र देवता च प्रणश्यति ।
धनहानिकरो नित्यं रोगकृद् दक्षिणः प्लवः ॥
प्रवर्तयेद् गृहे पुंसां रोगांश्च मृत्युदायकान् ।
धनहानिं तथा नित्यं कुरुते नैऋतिप्लवा ॥
पश्चिमप्लवका भूमिर्धनधान्यविनाशिनी ।
शोकदाह्यं कुलं तत्र यत्र भूः पश्चिमप्लवा ॥
शत्रुकर्त्री विरागा च गोत्रक्षयकरी तथा ।
गृहे च कन्यकाहन्त्री सदा दुःखभयावहा ॥
भुक्तं न जीर्यते तस्य मह्यां तत्र तु यो वसेत् ।
एतान् दोषानावहति दोषदा वायुदिक्प्लवा ॥
पूज्या लाभकरी नित्यं पुत्रपौत्रविवर्धिनी ।
कामदा भोगदा चैव धनदा चोत्तरप्लवा ॥
नरसौख्यसतीसत्यसौभाग्यादिविवर्द्धिनी ।
धनार्थैश्वर्यसंपन्ना धर्मंदेशानकप्लवा ॥
सा विद्या धनसंपन्ना सर्वलोकहितावहा ।
विनयाचारसम्पन्नपुत्रपौत्रादिसंकुला ॥
नीरोगा दानशीला च विशिष्टजनसेविता ।
पूर्वप्लवा तु या भूमिः शोभना सा प्रकीर्तिता ॥
गृहप्रासादयोर्भूभ्याः कथ्यतेऽनुक्रमोऽधुना ।
मध्यप्लवा निकृष्टा स्यात् कनिष्ठा मध्यवर्तका ॥
सर्वनाशकरी पुंसां सा भूमिस्तु निवासिनाम् ।
वर्जयेद्छिद्रां क्ष्मांतुकरालां मस्तकोन्नताम् ॥
चौरेभ्यो भयदा नित्यं द्रव्यनाशकरी स्मृता ।
उच्छिन्ना च देवभूमी ऊर्ध्वसाधसिंयतव्यही? ॥
अजोष्ठखरसंसेव्यां वर्जयेत्तादृशीं महीम् ।
सशल्या बहुभक्ता च ह्यषरा शोककारिका ॥
त्रिविधा स्फुटिता मृद्वी वृष्टिशुष्का रिक्ताङ्गिका ।
कापर्देः? अगम्भीरा घटिका व्यक्षसिद्धिदा ॥
वेणुगुल्मलताच्छाया द्विगुणा मध्यदूषिता ।
त्रिगुणा पुन्नागवृक्षैः क्षीरवृक्षैश्चतुर्गुणा ॥
पञ्चधाश्वत्थवृक्षैश्च षड्धा धात्री महीरुहैः ।
सप्तधा पूगवृक्षैश्च लिङ्गच्छाया तथाष्टधा ॥
एताश्च्छायाः परित्यज्य वेश्म कुर्यादथाभयम् ।
वृक्षप्रासादयोश्छायां गृहे त्यक्ता शुभप्रदा ॥
द्वयोः प्रहरयोश्छाया वृक्षप्रासादगुल्मजा ।