Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.19

v1.c64.19

हर्म्यगृहे तथैवं स्यादधस्तान्नैव निन्दिता ॥
अर्का अशोका अश्वत्थाः केतकीबीजपूरकाः ।
यस्मिन् गृहे प्ररोहन्ति तद् गृहं नैव वर्द्धते ॥
दाडिमं च हरिद्रां च श्वेतां च गिरिकर्णिकाम् ।
यदीच्छेद्रात्मनः श्रेयो गृहद्वारे न रोपयेत् ॥
त्यक्त्वा चोग्रतमं वृक्षं कटुकं कण्टकान्वितम् ।
अपि सौवर्णिकान्वृक्षान् गृहाश्रये न रोपयेत् ॥
न्यग्रोधोदुम्बरप्लाक्षांस्तथा वै कार्मुकादिकान् ।
वर्जयेद् गृहमाश्रित्य हर्म्यवृद्धिन्न विद्यते ॥
खर्जूरी दाडिमी रम्भा कर्कन्धू बीजपूरिका।
यस्मिन् गृहे प्ररोहन्ति तद् गृहं नैव वर्द्धते ॥
नकुलश्चोरगो यत्र क्रीडतः स्नेहत उभौ ।
तत्रस्थाने महीं खात्वा द्रव्यं तिष्ठति निश्चयम् ॥
विडाला मूषकाः स्नेहाद्भ्रमन्ते च परस्परम् ।
तत्र स्थाने महीं खात्वा द्रव्यं तिष्ठति निश्चयम् ॥
सर्पाश्च मूषकाः स्नेहात् क्रीडन्त्यामन्दरूपकाः ।
तत्र स्थाने महीं खात्वा द्रव्यं तिष्ठति निश्चयम् ॥
यत्र ना दृश्यते शल्यं द्रव्यं तत्र तथोच्यते ।
तत्र स्थाने महीं खात्वा द्रव्यं तिष्ठति निश्चयम् ॥
अष्ट पूर्व्वायता रेखा भिन्नाः पञ्च समुद्धरेत् ।
पदैरष्टाविंशतिभिर्ऋक्षसङ्ख्या तथैव च ॥
द्वारमध्ये कृत्तिका च शाखयोर्भरणीमघे ॥
चन्द्रे द्रव्यं तथा सूर्ये शल्यं चैव विनिर्दिशेत् ।
अहिवलचक्रे प्रोक्ता खसरो दृष्ट्याश्च केवलो ? ॥
अश्विल्यादि त्रिकं चैव आर्द्रादि पञ्चकं तथा ।
पूर्वाषाढा चतुष्कं च रेवती चोत्तरात्रयम् ॥
शशिभानि किलैतानि शिष्टानि रविभानि च ।
चन्द्रर्क्षे च स्थिते सूर्ये चन्द्रे सूर्यर्क्षसंस्थिते ॥
तत्र शून्यं भवेत्स्थानं द्रव्यशल्यविवर्जितम् ।
द्रव्यराख्यं विना त्वेवं शल्यद्रव्यादि कथ्यते ? ॥
चन्द्रः पूर्वं परं भानुस्तत्र शल्यं विनिर्दिशेत् ।
भानुः पूर्वं परं चन्द्रस्तत्र शल्यं विनिर्दिशेत् ॥
गतघटि ऋक्षहताः षष्टिहृते च शेषकन् ।
रविशशिभुक्तकालं रविचन्द्रर्क्षलग्नकन् ॥
श्वेता च ब्राह्मणी भूमी रक्ता वै क्षत्रिया स्मृता ।