Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.47

v1.c64.47

दक्षिणोत्तरयोर्द्वारौ तत्र देशे विशेषतः।
दक्षिणोत्तरकं सूत्रं विन्यसेच्छिल्पिवित्तमः ॥
तस्य सूत्रान्ततत्पूर्वे हस्तं तद्द्वार (रं) मध्यमे ।
एवं दक्षिणतो द्वारं तद्वि वा (द्वा) रौ तथोक्तवत् ॥
उत्तरे द्वार (रं) तत्सूत्राद्द्वाल्यहस्तावसानकम् ।
चतुर्दिक्षु चतुर्द्वारं युक्तं वा नेष्यते बुधैः ॥
पूर्वे पश्चिमके वाऽपि द्वारमेतत् (मेकं) द्वयोर (यम) पि।
परितश्चतुरश्राया द्वारं कुर्यात्तु सर्वदा ॥
एतत्सर्वं महाद्वारमुपद्वारमिहोच्यते ।
नागे वाऽपि मृगे वाऽ(प्य) थादितिश्चो (तौ चो, दितोऽपि वा ॥
पर्जन्ये वान्तरिक्षे वा पूषे (पूष्णि) वा वितथेऽपि वा।
गन्धर्वे भृङ्गराजे वा सुग्रीवे वा सुरेऽथवा ॥
तथेष्टमेवमुपद्वारं कुर्यात्तल्लक्षणवित् (र्यादुक्तलक्ष्मवत्) ।
मुख्यके वाऽथ भल्लाटे मृगे चोदितोऽथवा ॥
जयन्ते वा महेन्द्रे वा सत्यके वाऽथ भृशेऽथवा ।
एवमेवं जलद्वारं कुर्यात्तत्र विचक्षणः ॥
ब्रह्मणो वाऽग्नितद्देशे वा सावित्रे वा मण्डपं भवेत् ।
भूधरे चासुरे वाऽपि सभास्थानं प्रकल्पयेत् ॥
नन्द्यावर्तमिति प्रोक्तं तन्त्रविद्भिः पुरातनैः ।