Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c64.5

v1.c64.5

वक्राकृतिश्च भूरन्या वर्ज्या सर्वेषु कर्मसु ॥
खेटस्य वास्तुभूमिस्तु प्रायः काननमध्यगा ।
शबरैश्च पुलिन्दैश्च संयुता मांसजीविभिः ॥
वास्तुभूमिः खर्वटस्य नदीतीरगता मता ।
रसालसालवकुलैस्तिन्त्रिणीवेणुपाटलैः ॥
कदम्बैनारिकेलैश्च श्रीपर्णैस्तिलकैरापि ।
छायावृक्षसमाकीर्णा निष्कुटारामसंवृता ॥
वनमध्यङ्गता वापि गिरिसानुसमीपभाक् ।
आरामभूमध्यगता पल्लीभूमिस्तु सौख्यदा ॥
मधूकैस्तिन्त्रिणीभिश्च रसालैर्नारिकेलकैः ।
पनसैश्च शिरीषैश्च संवृता च समन्ततः ॥
घोषभूमिश्चैवलिनीतीरभागवा वनान्तभाक् ।
गिरिसानुगवा वापि सर्वकालेषु सौख्यदा ॥
वानीरवित्वकुन्दाद्यैर्मांलत्यादिभिरन्विता ।
चूतादि फलवृक्षैश्च सर्वतस्तु समावृता ॥
सस्यभूम्यावृता विप्लवकुसुखग्राह्यजलान्विता ।
आभीरभूश्शैवलिनीतीरभागवा वनान्तभाक् ॥
सर्वतस्सूक्ष्मसिकता पुष्पगन्धाद्यगन्धिनी ।
मण्डलाख्यतृणैर्घासैरन्यैश्च बहुभिर्युता ॥
नारिकेलरसालादिफलवृक्षैस्समन्विता ।
सर्वतो हस्ततोयाढ्या भूमिरेवंविधा मता ॥
त्रिंशद्वीथियुता क्षुद्रवीथियुक्च समन्ततः ।
वापीकूपतटाकाद्यैरन्विता सुखदायिनी ॥