Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.36

v1.c65.36

त्रैशोकेौर्णिसभा (सै?ख्यै) स्ताः सामभिः स महाद्युतिः।
गायत्र्युष्णिगनुष्टुब्बृहत्या च यथाक्रमम् ॥
चयान् समस्तांश्चिनुयाच्चतुरो विरमेत् ततः।
ज्ञात्वा भित्तिप्रमाणं च चितेश्चयचतुष्टयम् ॥
समाप्यमादिकमैवं कनिष्ठं च यथोत्तरम्।
प्रतिष्ठितास्ताः प्रथमं भूतले सुस्थिताः समाः ॥
न चालयेच्चालने स्याद् गृहभर्तुर्महद् भयम्।
कम्पने च भयं विद्यादेतासां स्थिरतां पुनः॥
स्थपतेर्गृहभर्तुश्च मङ्गलं परमं विदुः।
प्राग्दक्षिणायां चलने गृहभर्तुर्महद् भयम् ॥
भार्याविनाशो नैर्ऋत्यां शून्यं (?) भीतिर्मरुद्दिशि ।
गुरोश्च भयमैशान्यामपचारेऽपि तद् भवेत् ॥
प्रथमं स्थापि (तेनै?ताने) वं स्तम्भानपि न चालयेत्।
नोद्धरेत प्रणुद्याथ विधिस्तुल्यो यतोऽनयोः ॥
विन्यासं प्रथमं तस्मात् कुर्यात् सम्यक् समाहितः।
शिलानां स्थपतिस्तद्वत् स्तम्भानामपि सर्वथा ॥
द्वारप्राकारशालानां नगराणां च वेश्मनाम्।
तत्प्रमाणो विधिर्यस्मात् तस्मात् तत्रादृतो भवेत् ॥