Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.5

v1.c65.5

ब्राह्मं गर्भं पूरयेत्तु पुस्तैर्यज्ञसूत्रकैः ।
क्षात्रं गर्भं पूरयेच्च खङ्गच्छत्रादिभिर्दृढम् ॥
वैश्यं गर्भं पूरयेच्च तुलाद्रव्यादिकैरपि ।
शूद्रं गर्भं पूरयेच्च सीरकैर्वस्त्रकैरपि ॥
देवालये दैवगर्भे रत्नन्यासो विशेषतः ।
दैववास्तुषु सर्वेषु सौवर्णं भाजनं शुभम् ॥
सौवर्णं राजतं वापि ब्रह्मक्षत्रियवास्तुषु ।
शूद्रजानां विशां शस्तं राजतं भाजनं मतम् ॥
अन्येषां वास्तुभूमौ तु ताम्रजे भाजनं शुभम् ।
भाजनं पट्टिका वापि पृथुपट्टमथापि वा ॥
स्त्रीगर्भेण यथा जीवो वर्धते भुवि नित्यशः ।
तथा भूगर्भमाहात्म्यात् जीवराशिस्तु वर्धते ॥
तत्रत्यानां सुखं दिव्यं यावद्गर्भो न नश्यति ।
तस्माद्गर्भं शिल्पिपुवरैश्शाश्वतं कारयेद्भुवि ॥
तच्च चिह्नं लिखेत्पट्टे गन्धपुष्पार्चनं ततो ।
तत्पट्टं भाजने न्यस्य तन्मञ्जूषागतं नयेत् ॥
वास्तुभूमध्यदेशे तां मञ्जूषां स्थापयेद्बुधः ।
गन्धमाल्यार्चनं शस्तं जयशब्दपुरस्सरम् ॥
आच्छाद्य तां मुदा शिल्पी वास्तुनाथं हृदि स्मरेत् ।
ब्राह्मणांस्तोषयेत्पश्चाद्भोजनैश्चविशेषतः ॥
सर्ववास्तुष्विदं शस्तमीरितं शास्त्रपारगैः ।
समीकृतस्थले पूर्वमैशान्यां खनने कृते ।
वारुण्यामथवा शस्ते लग्नकाले विशेषतः ॥
इष्टिकान्यासनं कार्यं स्वस्तिघोषपुरस्सरम् ।
पुरन्ध्रीभिश्च कन्याभिरवटे जलसेचनम् ॥
कारयेत्कार्यकालज्ञश्शिल्पी सर्वेषु वस्तुषु ।
दीपारोपं हेमवर्पं नानादानानि कारयेत् ॥
सर्वमङ्गलघोषैश्च स्वस्तिशब्दैश्च Shilpiraat ।
वास्तुं प्रदक्षिणीकृत्य वरवस्त्रोत्तरीयकः ॥
मङ्गलाचरणं कृत्वा प्राप्तस्वर्गादिदक्षिणः ।
कङ्कणं च करे धृत्वा ज्ञापयेत्काक्षकौ ॥
सम्यक्तप्तं वक्रहीनं ककशं कुङ्कुमान्वितम् ।
सूत्रप्रसारे कलिते वास्तुनिर्माणभूमिषु ॥
ऐशान्यां विन्यसेत्प्राज्ञः कक्रशं तं प्रसन्नधीः ।
स्मृत्वा मनसि कार्यज्ञो देवता मङ्गलप्रदाः ॥