Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c65.8

v1.c65.8

पुच्छमूल(लं)विशेषेण पद्मपत्रेण भूषितम् ॥
त्रिचतुष्पञ्चयवमात्रं पुच्छाग्रैः पट्टदीर्घकम् ।
उत्सेधं द्वित्रिमात्रं वा सर्वालङ्कारसंयुतम् ॥
अयस्कीलं तत्र कुक्षौ योजयेत्तक्षकेन तु ।
सार्धद्विहस्तमानेन युगायामं प्रकल्पयेत् ॥
त्रिचतुष्पञ्चमात्रं वा मध्यपट्टविशालकम् ।
तद्द्वयोरग्रविस्तारं द्वित्रिय(ब्य)ङ्गुल(क)मेव च ॥
एतद्यु(तद्धि यु)गमानं स्यान्मध्याग्रान्तक्षयं(च)क्रमात् ।
तस्यार्धं च द्वयोश्छिद्रैरनडुवन्(द्विच्छिद्रान्तेऽनडुद्)बन्धार्थकं भवेत्
युगमध्ये द्वयोर्वापि लाङ्गलं चापि बन्धयेत् ।
सुमुहूर्ते सुलग्ने च कर्षणं तु समारभेत् ॥
अनड्वाहौ स्थपतिश्चोभौ (तिश्च)गन्धपुष्पैः स्वलंकृतौ(ताः) ।
पञ्चाङ्गभूषण (णः) शिल्पी श्वेतवस्त्रोत्तरीयवान् ॥
आदित्यचन्द्रौ ध्यायेत्तद्बलीवर्दद्वयं बुधः ।
वाराहं लाङ्गलं ध्यायेच्छिल्पिनं तु पितामहम् ॥
ब्राह्मणैश्च यथाशक्ति वाचयेत्स्वस्तिवाचनम् ।
सर्वमङ्गलघोषैश्च स्थपतिः कर्षयेत्तदा ॥
शूद्रोऽपि कृषिकाले तु शुद्धो भूत्वा समाहितः ॥