Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c66.71

v1.c66.71

नित्यार्चनासनं चैव नित्योत्सवासनमीरितम् ॥
विशेषाख्यार्चनार्थाय विशेषाख्यार्चनासनम् ।
चतुर्विधासनं प्रोक्तं देवानार्माप योग्यकम् ॥
आदौ पद्मासनं प्रोक्तं द्वितीयं पद्मकेसरम् ।
तृतीयं पद्मभद्रं स्याच्छ्रीभद्रं स्याच्चतुर्थकम् ॥
पञ्चमं श्रीविशालं स्यात्षष्ठं श्रीबन्धमेव च ।
सप्तमं श्रीमुखं चैव भद्रासनं तु चाष्टकम् ॥
नवमं पद्मं च भद्रं स्यात् दशमं पादबन्धकम् ।
आसनानां तु चैतानां नामानि कथितानि वै ॥