Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v1.c67.112

v1.c67.112

नानामुखसमोपेतं मौलिभागयुतन्तु वा ।
स्तूपिप्रकल्पनं तत्र लोहजं दृढसन्धिकम् ॥
प्रस्तरान्ते मध्यभागे त्रिमूर्तिस्थानकैर्युतम् ।
पृथग्वेश्मस्थलं वापि पौषस्थानमथापि वा ॥
देवानामापि देवीनां दासानां गर्भगेहके ।
कलिङ्गं द्राविडं शौरसेनिकं कौसलन्तथा ॥
विमानकल्पनं कार्यं कुम्भपञ्जरसंयुतम् ।
बोधिकाजालकैर्युक्तं द्वारपालाश्चितन्तु वा ॥
रन्ध्रहीनं मध्यकल्पमवाग्वक्त्रादिवर्जितम् ।
देवरूपसमोपेतं कल्पयेच्चित्रभूषितम् ॥
कर्णकूटक्रियोपेतं कीलकुम्भयुतं क्वचित् ।
सौवर्णं राजतं ताम्रं कवचञ्च क्वचिन्मतम् ॥