Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c83.s3.40

v2.c83.s3.40

सम्भवञ्चतुरस्रं तु मध्यभागं प्रकीर्तितम् ॥
भद्रपीठं ततो भागं तत्र पद्मं निवेशयेत् ।
शुभाष्टपत्रं तन्मध्ये कर्णिकायां दिवाकरम् ॥
पत्रेषु कल्पयेत्तत्र दिक्पालांश्च यथादिशम् ।
भद्रपीठमधस्तात्तु पृथ्वीं परिकल्पयेत् ॥
अन्तरिक्षं तथा स्तम्भमूर्ध्वभागं ततो विदुः ।
तत्र सन्निहिताः सर्वे भवन्ति त्रिदशोत्त्तमाः ॥
सर्वदेवमयं व्योम कथितं ते महाभुज !
तस्य सम्पूजनं कृत्वा सर्वान्कामानवाप्नुयात् ॥