Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.24

v2.c84.24

चिक्क ( ण? णां?) मृदमादाय स्थूलपाषाणवर्जिताम् ।
(मानुषां?) स्याद्द्विगुणाम् (न्य) स्य क्षोदयेद् वालुकामृदां? दाम्॥
ककुभस्य रसं दद्यान्माषाणां शाल्मलेरपि ।
श्रीफलानां रसं तद्वद् दद्यात् कालानुरूपतः ॥
पूर्वकालानुसारेण यत् प्रोक्तं बन्धनं क्षितेः।
तत् सर्वं सिकतायुक्तं कृत्वैकत्र नवं बुधः ॥
कुडद्यमालेपयेत् पूर्वं हस्तिचर्मप्रमाणतः ।
(विशेषं) प्याथ प्रतिक्षिपेत् तोयं कुर्याद्दशसन्निभाम्) ॥
विशुद्धं विमलं स्निग्धं पाण्डुरं मृदुलं स्फुटम् ।
पूर्वोदितां समादाय विधिवत् कटशर्कराम् ॥
तां कुट्टयित्वा घृष्ट्वा च कल्कं कुर्याद् विचक्षणः ।
पूर्वोक्तभक्तभागं च निर्यासांश्च प्रदापयेत् ॥
(विष्वक्?) यदि वा दद्यात् कटशर्करया समम् ।
त्रीन् वारा (न्) लेपयेत् कुड्यबन्धनमुत्तमम्
हलेन हस्तमालिप्य प्रदद्यात् कटशर्कराम् ।
जायते विधिनानेन कुड्यबन्धनमुत्तमम् ॥
साम्प्रतं कथयिष्यामः पट्टभूमिनिबन्धनम् ।
बिम्बाबीजानि संगृह्य त्यक्त्वा तेषां मलं बुधः ॥
एवं विशोध्य निष्पावान् यदि वा शालितण्डुलान् ।
तेषामन्यतमं श्लक्ष्णं पिष्ट्वा पात्रे विपाचयेत् ॥
पट्टमालिप्य बन्धेन पूर्वोक्तविधिना चरेत् ।
पूर्वोक्तनिर्यासम्युतां विधाय कटशर्कराम् ॥
तोयेन तां द्रवीकृत्य पटमालेखयेत् तया ।
अनेन विधिना बन्धश्चित्रकर्मणि शस्यते ॥
विधिनान्येन वा कुर्यात् पट्टानां भूमिबन्धनम् ।
(प्रद्यद्यामिकतालपङ्कनिर्यांस?) समन्विताम् ॥
निर्याससंयुतां दद्यात् त्रिस्ततः कटशर्कराम् ।
पट्टानां भूमिबन्धोऽयं विक्षेप्तव्यः प्रयत्नतः ॥
(गोमयेन कंटपेने शंस्तदनन्तरम्? ) ।
कटशर्करया युक्तंवारांस्त्रीन् कूर्चकेन च ॥
यथा पट्टे तथैव स्याद् भूमिबन्धः पटेऽपि सः ।
सुधया निर्मितां भित्तिं श्लक्ष्णां क्षतविवर्जिताम् ।
लेपयेच्चित्रकर्मार्थं लेपद्रव्यं प्रचक्ष्यते ॥
माहिषं त्वचमादाय नवं तोयेन मेलयेत् ।
नवनीतमवायाति यावच्चिक्कणतां भृशम् ॥