Vastu-shastra (Vol. I: Hindu Science of Architecture; Vol. II: Hindu Canons of Iconography and Painting) v2.c84.51

v2.c84.51

यथा देवस्तथा चित्रे कर्तव्यः पृथिवीश्वर ।
एकैकं रूपके लोम कर्तव्यं पृथिवीक्षिताम् ॥
ऋषयश्च सगन्धर्वा दैत्याश्च सहदानवाः ।
मन्त्रिणश्च महाराज सांवत्सरपुरोहितौ ॥
कार्या भद्रप्रमाणेने ब्राह्मणाश्च नरेश्वर ।
ऋषयस्तत्र कर्तव्या जटाजूटोपशोभिताः ॥
कृष्णाजिनोत्तरासङ्गा दुर्बलास्तेजसा युताः ।
देवताश्चापि गन्धर्वा मुकुटेन विवर्जिताः ॥
कर्तव्यास्ते महाराज शिखरैरुपशोभिताः।
ब्रह्मवर्चस्विनो विप्राः शुक्लाम्बरधरास्तथा ॥
मन्त्रिणश्च महाराज सांवत्सरपुरोहितौ ।
सर्वालङ्कारसंयुक्तानेवोल्बणविभूषणान् ॥
मुकुटेन विहीनांस्तु सोष्णीषान्कारयेच्च तान् ।
दैत्याश्च दानवाश्चैव कर्तव्या भ्रुकुटीमुखाः ॥