History of Chemistry in Ancient and Medieval India, Incorporating the History of Hindu Chemistry by Acharya Prafulla Chandra Ray c71.9

c71.9

सप्तधा प्रत्यहं राम त्वेवं विंशद्दिनं ध्रुवम् ।
हरितालो मृतिमेति निर्धूमो जायते ध्रुवम् ॥ 20.
अग्नौ पुत्र ततो दद्यान्निर्धूमो जायते सुत ।
तत्तालं चाष्टधातौ तु दद्याद्रावे कृते सति ॥ 21.
सर्ववेधी भवेद्देव शतविद्धो भवेत् सुत ।
तत्तैलं तु समादाय ताम्रंद्रावे विनिक्षिपेत् ॥ 22.
तत्क्षणात्ताम्रवेधः स्यात् दिव्यं भवति काञ्चनम् ।
वङ्गे कांस्ये यदा दद्यात्तदा रौप्यं भवेत् सुत ॥ 23.
ताम्रे लौहे तथा रौत्यां तारं खर्परसूतके ।
तत्क्षणात् वेधमायाति दिव्यं भवति काञ्चनम् ॥ 24.