Rasasudhakara 3.275

Rasasudhākara 3.275

Language: Sanskrit

3.275

tatra vācā śuddhahāsyajaṃ yathā -
‘arciṣmanti vidārya vakrakuharāṇyā sṛkkato vāsukestarjanyā viṣakarburān gaṇayataḥ saṃspṛśya dantāṅkurān
ekaṃ trīṇi navāṣṭa sapta ṣaḍiti vyatyastasaṅkhyākramā
vācaḥ krauñcaripoḥ śiśutvavikalāḥ śreyāṃsi puṣṇantu vaḥ ||’
veṣeṇa śuddhahāsyajaṃ yathā -
'snāyunyāsanibaddhakīkasatanaṃ nṛtyantamālokya māṃ
cāmuṇḍākaratālakuṭṭitalayaṃ vṛtte vivāhotsave
hrīmudrāmapanīya yad vihasitaṃ devyā samaṃ śambhunā
tenādyāpi mayi prabhuḥ sa jagatāmāste prasādonmukhaḥ ||'
atha bhayahāsyajaṃ -
hāsyād bhayena sahitājjanitaṃ bhayahāsyajam
tad dvidhā mukhyamaṅgaṃ ca taddvayaṃ pūrvavat tridhā

Previous: 3.274
Next: 3.276
Up: 3

Linked texts (2)

Rasārṇavasudhākara — Siṃhabhūpāla, Sanskrit
Subhāṣitaratnakoṣa — Vidyākara, Sanskrit