Shabdakalpadruma 377.p1.2

377.p1.2

iti sarvvān samāhūya kathitaśca manoratham
natvā ca daṇḍavadbhūtau satyadevaṃ punaḥ punaḥ
tatastuṣṭaḥ satyadevo gaganādviśvajaṃ prati
jagāda vacanañcedaṃ naivedyāvamamanya ca
āgatā svāminaṃ draṣṭumato'dṛśyo'bhavat prabhuḥ
gṛhaṃ gatvā prasādañca bhuktā cāyāti sā punaḥ
labdhabharttṛsukhā sādhvī bhaviṣyati na saṃśayaḥ
tataśca prāyādaṃ vākyaṃ śrutvā gaganamaṇḍalāt
cipraṃ tadā gṛhaṃ gatvā prasādaṃ pratibhujya ca
apaśyat punarāgatya patiṃ nāvaṃ janaiḥ saha
tataḥ kalāvatī tuṣṭā jagāda pitaraṃ prati
ehi tāta gṛhaṃ yāhi vilambaṃ kuruṣe katham
tat śrutvā kanyakāvākyaṃ santuṣṭo'bhūdvaṇiksutaḥ
pūjanaṃ satyadevasya kṛtvā vidhividhānataḥ
dhanairbandhugaṇaiḥ sārddhaṃ jagāma nijamandiram
paurṇamāsyāñca saṃkrāntyāṃ pūjāṃ kṛtvāyathāvidhi
iha loke sukhaṃ bhuktā cānte satyapuraṃ yayau |"
iti śrīskandapurāṇe revākhaṇḍe śrīsatyanārāyaṇa -
kathāyāṃ vaṇiksāmumocavarṇano nāma 3
adhyāyaḥ
sūta uvāca
"atha cānyat pravakṣyāmi śṛṇudhvaṃ munisattamāḥ
āsīdaṃśrvadhvajo rājā prajāpālanatatparaḥ
prasādaṃ satyadevasya tyaktā duḥkhamavāpa saḥ
ekadā sa vanaṃ gatvā kṛtvā ca vividhān mṛgān
āgatya vaṭamūle ca dṛṣṭvā satyasya pūjanam
gopāḥ kurvvanti santuṣṭā bhaktiyuktāḥ sabāndhavāḥ
rājā dṛṣṭvā tu darpeṇa nāgato na nanāma saḥ
tato gopagaṇāḥ sarvve prasādaṃ nṛpasannidhau
saṃsthāpya punarāgatya bhuktvā sarvve yathepsitam
tataḥ prasādaṃ saṃtyajya rājā duḥkhamavāpa saḥ
tasya putraśataṃ naṣṭaṃ dhanadhānyādikañca yat
satyadevena tat sarvvaṃ nāśitaṃ mama niścitam
atastatraiva gacchāmi yatra devasya pūjanam