Shabdakalpadruma 473.p1.2

473.p1.2

yathā calaviṣañcaiva sthāvarantu tathaiva ca
prathame viṣavege tu romaharṣaṃ prajāyate
dvitīye viṣavege tu svedo gātreṣu jāyate
tṛtīye viṣavege tu kampo gātreṣu jāyate
caturthe viṣavege tu śrotāntaranirodhakkṛt
pañcame viṣavege tu hikkā gātreṣu jāyate
ṣaṣṭhe tu viṣavege tu grīvābhaṅgastu jāyate
saptame viṣavege tu prāṇabhyo vipramucyate
saptadhātuvahā hyete vainateyena bhāṣitāḥ
tvaksthāne viṣe prāpte tasya rūpāṇi me śṛṇu
aṅgāni timirāyantaṃ yatantaṃ ca muhurmuhuḥ
etāni yasya cihnāni tasya tvacagataṃ viṣam
tasyāgadaṃ pravakṣyāmi yena sampadyate sukham
arkamūlamapāmārgapriyaṅgu tagaraṃ tathā
etadākhyodya dātavyaṃ tataḥ sampadyate sukham
tatasmin kṛte viprā na nivartteta ceddiṣam
tvaksthānaṃ tato bhittvā raktasthānaṃ pradhāvati
viṣe ca raktasaṃprāpte tasya rūpāṇi me śṛṇu
dahyate muhyate caiva śītalaṃ bahu manyate
etāni yasya rūpāṇi tasya raktaṃ viṣaṃ gatam
tasyāgadaṃ pravakṣyāmi yena sampadyate sukham
uśīraṃ candanaṃ kuṣṭhamutpalaṃ tagaraṃ tathā
mahākālasya mūlāni sinduvārastvagasya ca
dviṅgañca maricañcaiva puṣyayoge tu dāpayet
hṛṣṭato hastrikālī ca indravāruṇimūlakam
sarpagandhā ghṛtaṃ caiva dvitīye parikīrttitam
sinduvāraṃ tathā hiṅgu tṛtīye kārayedbudhaḥ
nasyaṃ pānañca kurvīta añjanaṃ lepanaṃ tathā
etenaivopacāreṇa tataḥ sampadyate sukham
raktasthānaṃ tato gatvā pittasthānaṃ pradhāvati
pittasthānagate vipra viṣe rūpāṇi me śṛṇu
uttiṣṭhate nipate dahyate muhyate tathā
gātrataḥ pītatā syādvai diśaḥ paśyati pītikāḥ
dhavalāśca bhaveccakṣśūāṃ na cātmānaṃ vijānate