Shabdakalpadruma 473.p1.3

473.p1.3

viṣakriyāṃ tasya kuryyāt yathā sampadyate
sukham
pippalaṃ madhukaṃ caiva madhūcchiṣṭaghṛtaṃ tathā
madhukṣāramalāvuñca jātikarkaravālukam
indravāruṇimūlañca gavāṃ mūtreṇa peṣayet
nasyaṃ tasya prayuñjīta pānamālepamāñjanam
etenaivopacāreṇa tataḥ sampadyate sukham
pittasthānamatikramya śleṣmasthānañca gacchati
śleṣmasthāne tataḥ prāpte tasya rūpāṇi me śṛṇu
gātrāṇi tasya rumyantaṃ niḥśvāsaśca na jāyate
lālā ca sravate tasya kaṇṭhaṃ ghuraghurāyate
etāni yasya rūpāṇi tasya śleṣmagataṃ viṣam
tasyāgadaṃ pravakṣyāmi yena sampadyate sukham
trikaṭukañca kośātako lodhramadhukṣārakam
eteṣāṃ samabhāgāni gavāṃ mūtreṇa peṣayet
nasyaṃ pānañca kurvīta añjanaṃ lepanaṃ tathā
etenaivopacāreṇa tataḥ sampadyate sukham
śleṣmasthānamatikramya vāyusthānañca gacchati
tatra rūpāṇi vakṣyāmi vāyusthānagate viṣe
ādhmāyate ca jaṭharaṃ yatnavāṃśca na paśyati
udvegaṃ kurute rūpa dṛṣṭibhaṅgaśca jāyate
etāni yasya rūpāṇi tasya vāyugataṃ viṣam
tasyāgadaṃ pravakṣyāmi yena sampadyate sukham
śyāmāmūlaṃ piyālañca raktā ca gajapippalī
bhārgī vacā pippalidevadārumadhūkasāraṃ saha sinduvāram
hiṅguñca piṣṭvā guṭikāñca kuryyāddadyācca tasyāñjanalepanādīn
eṣo'gadaḥ sarvvaviṣāṇi hanyāt
svayambhuvā devavareṇa sṛṣṭaḥ
añjanañceva nasyañca kṣipraṃ dadyāddiṣānvite
vāyusthānaṃ tato muktā majjasthānaṃ pradhāvati
viṣe majjagate vipra tasya rūpāṇi me śṛṇu
dṛṣṭiśca hīyate tasya bhṛśamaṅgāni muñcati
etāni yasya rūpāṇi tasya majjagataṃ viṣam
tasyāgadaṃ pravakṣyāmi yena sampadyate sukham
ghṛtaṃ madhu śarkarāñca uśīraṃ candanaṃ tathā