Shabdakalpadruma 473.p1.4

473.p1.4

etadāloya dātavyaṃ pānaṃ tasya ca suvrata
tataḥ praśamyate duḥkhaṃ tataḥ sampadyate sukham
atha tasmin kṛte yoge viṣaṃ tasya nivarttate
majjasthānaṃ tato gatvā marmasthānaṃ pradhāvati
viṣe tu marmasaṃprāpte śṛṇu rūpaṃ yathā bhavet
niśceṣṭaḥ patate bhūmau karṇābhyāṃ badhiro bhavet
kṣuriṇā sicyamānasya romaharṣo na jāyate
daṇḍena hanyamānasya daṇḍarājo na jāyate
śastreṇa chidyamānasya rudhiraṃ na pravarttate
keśeṣu luñcamāneṣu naiva kleśapravedanaṃ
yasya karṇau ca pākhau ca hanū pādau ca sandhyaḥ
śithilāni bhavantīha sa gatāyuriti śrutiḥ
etāni yasya rūpāṇi viparītāni gautama
mṛtantu taṃ vijānīyāt kaśyapasya vaco yathā
vaidyāstasya na paśyanti ye paśyanti kuśikṣitāḥ
viṣaghnāstu hasanti mantrauṣadhisamanvitāḥ
tasyāgadaṃ pravakṣyāmi svayaṃ rudreṇa bhāṣitam
mayūrapittaṃ mārjārapittaṃ nakulapittakam
matsyamāhiṣapittañca dhānālīmūlameva ca
kuṅkumaṃ bhārgavaṃ kuṣṭhaṃ kāśmarī ca tvacaṃ tathā
utpalasya ca kiñjalkaṃ padmasya kumudasya ca
etāni samabhāgāni gomūtreṇa tu śoṣayet
eṣo'gado yasya haste daṣṭena mriyate na vai
kālāhināpi daṣṭo'pi kṣipraṃ bhavati nirviṣaḥ
kṣiprameva pradātavyaṃ mṛtasañjīvanīṣadham
añjanañceva nasyañca kṣipraṃ dadyāt vicakṣaṇaḥ ||”
iti bhaviṣyapurāṇe brahmaparvvaṇi pañcamīdhātugataviṣakriyā
gautama uvāca
“kīdṛśaṃ etadākhyāhi sarvvaṃ daṣṭasya lakṣaṇam
kaśyapa uvāca
ataḥ paraṃ pravakṣyāmi nāgānāṃ rūpalakṣaṇam
sarpadaṣṭasya ca tathā samāsāddijapuṅgava !
atha sarpeṇa daṣṭasya ūrddhā dṛṣṭiḥ prajāyate
savyau daṣṭasya ca tathā adhodṛṣṭiḥ prajāyate