Shabdakalpadruma 509.7.2

509.7.2

sā mārṣṭiḥ pṛthagabhyaṅgo mastakādau prakīrttitaḥ ||'
smṛtiḥ
‘ekāhāraḥ sadā kāryyo na dvitīyaḥ kadācana
paryyaṅkaśāyinī nārī vidhavā pātayet patim
gandhadravyasya sambhogo naiva kāryyastayā punaḥ
tarpaṇaṃ pratyahaṃ kāryyaṃ bharttustitakuśodakaiḥ
tatpitustatpituñcāpi nāmagotrādipūrvvakam ||’
etat tu tarpaṇaṃ putrapautrādyabhāvaviṣayamiti
madanapārijātaḥ
‘vaiśākhe kārttike māghe viśeṣaniyamañcaret
snānaṃ dānaṃ tīrthayātrāṃ viṣṇornāmagrahaṃ muhuḥ ||'
ata sākholamāha
‘ārttāttaṃ muditā hṛṣṭe proṣite malinā kṛśā
mṛte mriyeta yā patyau sādhvī jñeyā pativratā
chandogapariśiṣṭīyamiti kalpataruḥ || sādhvīprasādena lokadhāraṇamapyāha || matsyapurāṇam
‘tasmāt sādhvyaḥ striyaḥ pūjyāḥ satataṃ devavajjaneḥ
tāsāṃ rājñā prasādena dhāryyate ca jagattrayam ||’
mahābhārate
‘adhamattya ca yāḥ pūrvvaṃ patiṃ duṣṭena cetasā
varttante yāśca satataṃ bharttṝṇāṃ pratikūlataḥ
bharttunamaraṇaṃ kāle yāḥ kurvvanti tathāvidhāḥ
kāmāt krodhāt bhayānmohāt sarvvāḥ pūtā
bhavanti tāḥ ||'
atra aihikabrahmaghnapaterhāniṣedhāt janmāntarīyattatpāpavata eva sahamaraṇenoddhāraḥ | brahmapurāṇe
‘deśāntaramṛte pattyau sādhvī tatpādukādvayam
nidhāyorasi saṃśuddhā praviśejjātavedasam
ṛgvedavādāt sādhvī strī na bhavedātmaghātinī
tryahāśauce nivṛtte tu śrāddhaṃ prāpnoti śāstravat ||’
ṛgvedavādāt imā nārīravidhavā ityādimantrāt | evañca ṣāṅgirobrahmapurāṇavacanaparyyālocanayā brāhmaṇyādisakalabhāryyāṇāṃ stragatabharttṛgataphalaviśeṣāthinīnāṃ garbhavatībālāpatyādivyatiriktānāṃ sahamaraṇānumaraṇayoradhikāra