Viramitrodaya 1.p194

1.p194

gargaḥ, pārśvāni yāsāṃ mṛdulānvitāni pradakṣiṇāvarttanasaṃyutāni | śliṣṭānyaromāṇi nirantarāṇi strīṇāṃ praśaṃsanti susaṃhitāni || iti | iti pārśvalakṣaṇam | athodaralakṣaṇam | skānde kāśikhaṇḍe, udareṇāti callout: [tucchena?] tucchena viśireṇa mṛdutvacā | yoṣidbhavati bhogāḍhyā nityaṃ miṣṭānnasevinī || kumbhākāraṃ daridrāyā jaṭharaṃ ca mṛdaṅgavat | kūṣmāṇḍābhaṃ yavābhaṃ ca duṣpūraṃ jāyate striyāḥ || suviśālodarī nārī nirapatyā ca durbhagā | plavaṅgajaṭharā hanti śvaśuraṃ cāpi devaram || iti | gargasaṃhitāyām, yāsāmanimnāni natonnatāni sūkṣmāṇyaromāṇi tathodarāṇi | tā bhogavatyo hṛdayaiśca śuklaḥ prajānvitāścāpi bhavanti nāryaḥ || iti | ityudaralakṣaṇam | atha madhyalakṣaṇam | bhaviṣye, payodharabharānamraḥ susamastrivalīguruḥ | madhyaḥ śubhāvahaḥ strīṇāṃ romarājīvivūṣitaḥ || paṇavārbhairmṛdaṅgābhaistathā madhyairyavopamaiḥ | prāpnuvanti bhayāvāsaṃ kleśadauḥśīlyamīdṛśaiḥ || iti | utpale samudraḥ, madhyaṃ balitrayaracitaṃ susparśaṃ romavarjitam | yasyāḥ sā rājamahiṣī kanyā syānnātra saṃśayaḥ || iti | iti madhyalakṣaṇam | atha balitrayalakṣaṇam | bhaviṣye, unnatairbalibhirmadhyāḥ sāvattaiḥ kulaṭāḥ striyaḥ | parakarmaratāśca syuḥ pravrajyāṃ ca samāpnuyuḥ || iti | gāruḍe, aromā tribalirnāryāḥ-iti | skānde kāśīkhaṇḍe, bhogāḍhyā sabalitrayā | iti | iti balitrayalakṣaṇam | atha romarājilakṣaṇam | skānde kāśīkhaṇḍe, ṛjvī tanvī ca romālī yasyāḥ sā śarmanarmmabhūḥ | kapilā kuṭilā sthūlā vyucchinnā romarājikā || cauravaidhavyadaurbhāgyaṃ vidadhyādiha yoṣitām | iti | jaganmohane samudraḥ, romarājī bhavetkhaṇḍā hrasvā vakrā samunnatā | arddhābdena tu bharttāraṃ hatvā bhavati nirddhanā || romarājī punaryasyāstrivalībhirvirājitā | gambhīrā nābhikā yasyāḥ sā praśastā nigadyate || iti | iti romarājilakṣaṇam | atha hṛdayalakṣaṇam | bhaviṣyapurāṇe, unnatāvanataiḥ kṣudrā viṣamarviṣamāśayāḥ | āyuraiśvaryasampannā vanitā hṛdayaiḥ samaiḥ || iti | skānde kāśīkhaṇḍe, nirloma hṛdayaṃ yasyāḥ samaṃ nimnatvavarjitam | aiśvaryamapyavaidhavyaṃ priyamaiva ca sā labhet || vistīrṇahṛdayā yoṣā puṃścalī nirdayā tathā | udbhinnaromahṛdayā patiṃ hanti suniścitam || iti | sāmudratilake, nirlomaṃ vraṇarahitaṃ hṛdayaṃ yasyāḥ samaṃ manohāri | aiśvaryamavaidhavyaṃ patipriyātvaṃ bhavati tasyāḥ || piśitavivarjitamunnatavinataṃ hṛdayaṃ vraṇānvitaṃ viṣamam | karmakarītvaṃ tanute vanitānāṃ tatkṣaṇādeva || iti | iti hṛdayalakṣaṇam | atha vakṣolakṣaṇam | bhaviṣyapurāṇe, susamaṃ māṃsalaṃ cāru śirāromavivarjitam | vakṣo yasya bhavennāryā bhogān bhuṅkte yathepsitān || hiṃsā bhavati vakreṇa dauḥśītyaṃ romaśena tu