Viramitrodaya 1.p233

1.p233

snigdhāṅgī cāruveṣā mṛdupṛthujaghanā susvarā cārukeśā bhartā tasyāḥ kṣitīśo bhavati ca subhagā putrayuktā ca nārī| piṅgākṣī kūpagaṇḍā kharaparuṣaravā sthūlajaṅghodhrvakeśī rūkṣākṣī vakranāsā praviraladaśanā kṛṣṇatālvoṣṭhajihvā | śuṣkāṅgī saṅgatabhrūḥ kucayugaviṣamā vāmanā cātidīrghā kanyaiṣā varjanīyā dhanasukharahitā duṣṭaśīlā ca nityam || hṛdromanakhakeśeṣu dantoṣṭhanayaneṣu ca | sneho'tra vidyate yāsāṃ tāḥ striyaḥ śubhakāraṇam || alpasvedā'lparòmā ca nidrābhojanadurbalā | gātreṣu ca na romāṇi nārīlakṣaṇamuttamam || raktajihvā mṛgākṣī ca yā nārī nāgalocanā | kṛśodarī gajagatiḥ strīṇāṃ lakṣaṇamuttamam || parānukūlāṃ parapākapākinīṃ vivādaśīlāṃ svayamarthacoriṇīm | ākrandinīṃ saptagṛhapraveśinīṃ tyajecca bhāryāṃ daśaputrapautriṇīm || mātuliṅgasamau hastau lambamānaṃ stanadvayam | yadā tadā na sandeho dvitīyaṃ kurute patim