Viramitrodaya 1.p235
Vīramitrodaya 1.p235
- Language
- Sanskrit
1.p235
nagavihaganadīnāmā vṛkṣalatāgulmanāmilā nārī | nakṣatragrahanāmā na rajyati svairiṇī patyau || śakrasurāsuranāmā punnāmānāmikā niyatam | bhīṣaṇanāmā ramaṇī svacchandā jāyate prāyaḥ || kāmasya satatavasatiryasmātsā kāminīti viditā strī | dvādaśavarṣādūrdhvaṃ kāmo visphurati punaradhikaḥ || tatkāraṇaṃ tu yauvanamanantaraṃ subhruvo bhavantyete | vakroktinayanalīlānitambabimbastanodbhedāḥ || śubhalakṣaṇāpi rūpādhikāpi vikhyātagotrajātāpi | saubhāgyabhāgapi tathā na śubhā duścāriṇī ramaṇī || vṛttaṃ sulakṣma vṛttaṃ rūpaṃ vṛttaṃ samagrasaubhāgyam | vṛttaṃ guṇādikaṃ yattadvṛttaṃ śasyate sudṛśām || api durlakṣaṇalakṣmā mahārhatāṃ śīlasaṃyutā yāti | śīlena vinā vanitā na śubhā śubhalakṣaṇabhṛtāpi || satyaṃ yatrākṛtayastatra guṇāḥ satatameva nivasanti | rūpādhikā purandhrī vṛttādiguṇānvitā prāyaḥ || iti
Commentaries (2)
- Āhnikaprakāśa — Mitramiśra, Sanskrit
- Āhnikaprakāśa — Mitra Miśra alias Mitraparaśurāma Miśra, Sanskrit
Linked texts (1)
- Lakṣaṇaprakāśa (Mitramiśra) — Mitramiśra, Sanskrit