Riyāḍ al-inshāʾ p51

p51

یه مکتوب محمد شاه بهمنی کی جانب سے محمود شاہ گجراتی کو لکھا گیا ھے ۔ جس میں درج ھے کہ مالوہ کے بادشاہ نے قاضی لادن طاهر اور اسحق طاهر کو اس مقصد سے بھیجا ھے که اسلامی سلاطین کے آپس کی دشمنی اور اختلاف رفع هو جائیں ۔ اسلامی اخوت کے مدّ نظر به پیغام مستحسن معلوم هوتا هے ، لیکن محمود خلجی نے جو غداری اور حیلہ گری اب تک برتی ھے اس پر سوچا جائے تو اس پیغام میں صداقت نظر نہیں آتی ، اور سلطان مالوہ سے عہد نامہ کرنے میں تامّل هوتا هے ـ تاهم بہمنی دربار کے اکابر اور فضلا کی یه رائے هے که اگر دشمن صلح کےلئے جھکے تو خود بھی جھکنا چاہئے(بفحوائی و ان جنحوا للسلم فاجنح ) ۔ اس لئے مالوے کے ایلچیوں کے همراه اس دربار کے قاصد روانه کرنا قرین شعار اسلامی هوگا ۔ گذشتہ سال بھی جب شیخ داؤد سلطان مالوه کے پاس سے پیغام لایا تھا تو یہاں سے یہ جواب دیدیا گیا تھا، که اگر تقسیم علاقه کے بارے میں پہلے سلاطین کی مقرره حدود کو ملحوظ رکھا جائے تو صلح نامه کی ترتیب میں مابدولت کو کوئی انکار نہوگا ۔ اس جواب کے مدّ نظر قاضی شیخن محتسب اور قاضی احمد نائب کو مالوہ کے ایلچیوں کے ہمراہ روانہ کیا جا رها هے که اگر سلاطین ماضی کی تقسیم کے موافق حد بندی هوجائے خطاؤں سے درگزرکرنا ھرگز مصلحت نہیں ۔ لیکن آپ کے فرمانے سےمیں نے اپنے دعوے کو اٹھالیا ھے ، ورنہ ارادہ تھا کہ مال وصول ھونے پر مصر چلا جاؤں ۔ پھر شیخ علی کے بطور ایلچی لاهجان بھیجے جانے پر خواجہ نے بڑے شد و مدسے اپنی ناراضگی اور غصہ کا اظہار کیا ھے ، اور لکھا ھے کہ وہ نہایت مکار اور متفنی ھے، اور اس کی سفارت سے تم دیکھو گے کہ رشت اور لاھجان میں جلد فتنہ پیدا ھوجائیگا۔ آخر میں بھائی کو لکھا ھے ، کہ مجھے اب کوئی دنیوی تمنا باقی نہیں ، اور اس وقت میرا میلان اور توجہ ایک اور عالم کی طرف ھے ۔ گیلان کے بادشاہوں کے مجھ پر بیحد احسانات ھیں ، لیکن سلطان علاء الدین کے انتقال کے بعد میرا گیلان واپس جانے کا ارادہ نہیں ، تم خاطر جمع رکھو ۔ یه مکتوب غالباً اس زمانہ کا ھے جب دونو بھائیوں میں صفائی نہیں تھی ۔