Bhagavadgita 4.54

Tātparyabodhinī 4.54

Language: Sanskrit

4.54

sthitaprajñasyeti | sthitaprajñasya sthitā brahmākāreṇa niścalā bāhyā'navagāhinī prajñā buddhiryasya sa sthitaprajña ārūḍhastasya bhāṣā bhāṣaṇaṃ kā kadā siddhyati | samādhisthasya nityaṃ nirantaraṃ niyamena samādhiṃ kurvāṇasya samādhiniṣṭhānirato vidvān ṇḍitairayaṃ sthitaprajña iti kadā bhāṣyata ityarthaḥ | sthitadhīḥ sthitaprajñaḥ svayaṃ kiṃ prabhāṣeta kimāsīta kiṃ vrajeta | kathaṃ tiṣṭhati kathaṃ carati kiṃ vadatītyarthaḥ |
siddhasya lakṣaṇāni yāni tānyeva sādhakasya sādhanāni prayatnena saṃpādyāni | yeṣu siddheṣu satsveva viduṣaḥ prajñāsthairyaṃ videhakaivalyaṃ ca sidhyatastānī mumukṣoryatnena sādhanīyānīti sūcayitumadhyāyaparisamāptestānyeva pratipādyante | tatrādau prathamapraśnasyottaramāha śrībhagavān—

Previous: 4.53
Next: 4.55
Up: 4

Linked texts (1)

Bhagavadgītā — Vyāsa, Sanskrit