Bhagavadgita 4.62

4.62

dhyāyataḥ iti dvābhyām | viṣayān śabdādīn dhyāyatasteṣu ramyatvamaramyatvaṃ ca, idaṃ bhogyamiti vā cintayataḥ puṃsaḥ | saṅgasteṣu ramyatvākāreṇa, bhogyatvākāreṇa vā bhāviteṣu bhogeṣu prītiḥ prāktanasaṃskārādāsaktirupajāyate sadya utpadyate | saṅgātprītyā tatra mamāmunā bhavitavyamiti kāmo bhogecchāvegaḥ samyak jāyate | grasto yenā'bhogyamapi kalañjādi, straiṇo bhaginyādi vā, bhogyatvabuddhyā bhoktuṃ tvarayate puruṣaḥ | kāmādyena kenāpi pratibandhena hatāt krodho'bhijāyate | paravaśīkṛtātmanaḥ parāpakārakaraṇahetubuddhiviśeṣaḥ krodhaḥ |